Жамбыл аудандық орталық «Бәйдібек» мешітінің наиб имамы Азамат Балхожаев мешітке келген жамағатқа «Дін мен дәстүр» кітабы негізінде мазмұнды дәріс өткізді.

Дәрістің негізгі мақсаты — тіліміздің қолданыс аясын кеңейту, дініміз бен ділімізді жаңғырту, исламмен біте қайнасқан ұлттық салт-дәстүрлерімізді насихаттау, жастардың бойына төл құндылықтар мен тәлім-тәрбиені сіңіру. Сонымен қатар, имандылықты жырлаған қазақтың ақын-жазушылары, жыраулары мен би-шешендерінің тұлғалық болмысын, баға жетпес мұрасын жамағатқа таныту көзделді.

Наиб имам дәріс барысында шариғаттағы әдет-ғұрыптың орны мен рөлін түсіндіріп, жамағатты салт-дәстүрді құрметтеуге, оны ұлықтауға шақырды. Сондай-ақ, жастарды отансүйгіштікке тәрбиелеу қажеттігін атап өтті.

Жамағат тарапынан дәріске қызығушылық жоғары болып, қатысушылар тарапынан көкейде жүрген сұрақтар қойылып, ашық пікір алмасу орын алды.

Жамбыл аудандық орталық мешітінің баспасөз қызметі