Қасиетті Рамазан айы аясында имам Рапық Жалынның ұйытқы болуымен “Әл Хафиз” мешітінде ауқымды қайырымдылық шара өтті. 

Игі іс барысында мұқтаж 80 отбасыға күнделікті тұтынатын азық-түлік табысталып, жалпы қаражат 1 200 000 теңгені құрады. Өз кезегінде имам осы іс-шараның мұсылмандар үшін қасиетті Рамазан айына орай ұйымдастырылғанын әрі жиналған барша қалың жұртқа қайырымдылық жасаудың Алла сүйген іс екендігін, үлгі боларлық амал екендігін тілге тиек етті.

Көмек алған тұрғындар ұйымдастырушыларға алғыстарын айтып, сауаптар екі еселеніп жазылатын айда жасалған істін жүректерге жылулық сыйлағанын жеткізді. 

Тараз қалалық “Әулие ата” мешітінің баспасөз қызметі.