ҚМДБ-ның Жамбыл облысы бойынша бас имамы Асқар Зәкіржанұлы орталық "Һибатулла Тарази" мешітінің имамдары мен қызметкерлерімен алғашқы жиналысын өткізді.

Жиын барысында бас имам мүфтиятқа қарасты 30-ға жуық бөлім мен сектордың қызметіне тоқталды. Атап айтқанда, Дін мен дәстүр, Діни оңалту, Халықаралық байланыс және хаттама, Цифрлық даму, Зекет және қайырымдылық бөлімдерімен қатар, Әйел-қыздар және Жастар секторының жұмысы да ерекше назарға алынды.

Сондай-ақ, Діни басқарма бекіткен төрт негізгі бағыт бойынша жауапты тұлғаларға нақты міндеттер жүктелді. Алдағы Рамазан айына дайындық мәселелері қарастырылып, ұйымдастыру шаралары пысықталды.

Жиын соңында аудан кураторларына жергілікті діни ахуалды зерттеу және зерделеу жұмыстарын жүргізу тапсырылды.

Ақерке БЕКҚҰЛОВА

"Һибатулла Тарази" мешітінің баспасөз қызметі