Қазақстан мұсылмандары діни басқармасының қорытынды Төралқа мәжілісі барысында «Мүфтият үздігі – 2024» номинациясымен марапаттау рәсімі өткен болатын. Жыл қорытындысы бойынша Жамбыл облысы «Бес бағыт үздігі» және «Үздік діни сайт» номинациялары бойынша үздік деп танылып, ҚМДБ Төрағасы, Бас мүфти Наурызбай қажы Тағанұлының алғыс хатымен марапатталды.

«Бұл – өңіріміздегі дін қызметкерлерінің, мешіт имамдарының, жергілікті жамағаттың және барша тұрғындардың ортақ еңбегі мен қажыр-қайратының жемісі. Бірлік пен ізгілікке негізделген істеріміз ары қарай да жалғасып, халқымыздың рухани деңгейін көтеруге бағытталатынына сенемін», – деген Жамбыл облысының бас имамы Бейбіт Әліпбекұлы алдағы уақытта да жемісті де жеңісті жұмыстар өз жалғасын табатынын жеткізді.