«Кеңесхан қажы» мешітінің шәкірттері арасында «Ислам нұры» атты рухани кеш өткізілді. Ислами көріністер қойылып, Құран аяттары мен хадистерден терең мағыналы үзінділер оқылып, асыл дініміздің құндылықтары насихаттады. Шара барысында Ислам мәдениетінің әсемдігі мен руханилығы, сондай-ақ исламның адамгершілік қағидаттары көрініс тапты.

«Кештің мақсаты – жастарға ислам дінінің мәні мен маңызын түсіндіру, діни білімдерін арттыру және рухани тәрбие беру», – деген «Кеңесхан қажы» мешітінің ұстазы Зейнеп Жәдігерқызы шариғат талаптарына сай амал етудің маңыздылығын түсіндіріп, бауырластық, достық тақырыбы аясында шәкірттерге уағыз-насихат айтты. Сонымен қатар, орталық мешіт және Байзақ ауданының ұстаздары ізгі-тілектерін білдіріп, шәкірттерге дұға жасады.