Тұрар Рысқұлов ауданы Қарақыстақ ауылдық «Бәйдібек баба» мешітінің жанынан асхана ғимараты пайдалануға берілді. Ауыл имамы Қайсар Сұлтановтың ұйымдастыруымен салтанатты түрде ашылу рәсімі өткізілді.

Ашылу рәсіміне ауданнан сыйлы қонақтар, ауыл әкімі Серік Далибаев, Тараз қаласынан имамдар және аудандық «Сұлтан» мешітінің наиб имамы Сұлтаншәріп Жәнібекұлы қатысып, асхана құрлысына үлес қосқан ауыл азаматтарына алғыс айтып, ақ батасын берді. Сонымен қатар, жаңа асханада ақ дастарқан жайылып, қонақтарға ас берілді. Демеушілік қылған жомарт жандарға шапан жауып, алғыс хат табыс етілді.