Күндердің сұлтаны жұма күні РАНТ мүшесі Қанат Жұмағұл «Әбу-Бәкір» мешітінің жамағатымен кездесті. Дастархан басында бас имам сүбелі уағыз-насихат айтып, көпшіліктін сұрағына жауап берді. 

Кездесу барысында Қанат Жұмағұл жамағатқа қазіргі қоғамдағы діни мәселелер мен діннің адамгершілік құндылықтарымен байланысы туралы айтты. Сонымен қатар, исламның бейбітшілік, мейірім, әділеттілік пен толеранттылық қағидаларын насихаттап, мұсылмандар өзара түсіністік пен сыйластықты сақтау қажеттігін атап өтті.

Сонымен қатар, жиын барысында жамағат мүшелері өздерінің көкейлерінде жүрген түрлі діни сұрақтарын қойып, жауаптарын алды. Қанат Жұмағұл мешіттердегі уағыз-насихат жұмыстарының маңызды екенін, сондай-ақ, жастардың діни білімін тереңдету қажеттігін жеткізді.