Жамбыл облысы бойынша ҚАЖ департаментінің 59 мекемесінде Тараз қаласының бас имамы Ержан Аманбаев кездесу өткізіп, түзеу мекемесіндегі азаматтарға ханафи мазхабы бойынша намаз оқу үлгілерін үйретті. Кездесу барысында имам діннің мәні мен адамның өміріндегі рөлін атап, намаздың рухани тазалық пен сабырлықтың көзі екенін, сондай-ақ қоғаммен үйлесімді қарым-қатынас орнатудың негізі екенін түсіндірді.

Азаматтар өздерін қызықтыратын сұрақтарды қойып, Ержан Аманбаев оларға жауап беріп, намаз оқу дағдыларын дамытуға көмектесті. Имам өткізілген сабақтардың діннің теріс түсініктерінен арылуға, рухани құндылықтарды насихаттауға және азаматтардың түзелуіне ықпал ететінін ерекше атап өтті.

Кездесу соңында имам барлық қатысушыларды бір-біріне қолдау көрсетіп, рухани даму жолында бірге алға жылжуға шақырды. Осы шараның нәтижесінде көптеген азаматтар дін мен моральдық құндылықтарды тереңірек түсініп, өздерінің өмірлік бағыттарын қайта қарауға ынталы болды.