Бүгін Аудандық Қаратау Қажы би мешітінде "дін мен дәстүр" бағытына жауапты маман Ахат Қайыпбергенұлының ұйымдастыруымен аудандық семинар өтті.

Аталмыш семинарға ҚМДБ Дін мен Дәстүр бағытының Жамбыл облысы бойынша өкілі Ғарифулла Қуанышбекұлы арнайы келіп қатысты. Ғарифулла Қуанышбекұлы Талас ауданы имамдарына биылғы жылдың Дін мен Дәстүр жылы екендігін тілге тиек етіп, ауданымыздың имамдарына кең көлемде баяндама жасады. Семинар соңында Ауданымыздың бас имамы Жалғасбай Дүйсенбайұлы Ғарифулла Қуанышбекұлына арнайы семинарға келгеніне алғысын білдіріп, мешіт ақсақалы ақ батамен шығарып салды.