Тұрар Рысқұлов ауданы Абай ауылы «Қалқабай ата» мешітінің молдасы Таукеев Талғаттың қатысуымен ауылдың мәдениет үйінде «Деструктивті діни ағымдардың қоғамға қауіп-қатері» атты ақпараттық іс-шара өтті.

 Талғат имам кездесуде: «Пайғамбарымыз (с.а.у.) өзінің бір хадисінде «Адамдардың ең қайырлысы адамдарға пайдалы болғаны» дегендей бүгінде десструктивті ағымдардан зардап шегушілердің қатары күн санап көбейюі, шағымданушылардың артуы олардың адам баласына пайда көздемейтіндігін көрсетеді. Әрі Құран Кәрімде : «Ізгілікте, тақуалықта қол ұшын беріңдер, күнәлі іс пен дұшпандыққа көмектеспеңдер!» делінеді. Діннің, құдайдың атымен ел ішіне бүлік салып, отбасын ойрандап, ағайынды бір-біріне қарсы қойып жатқан діни ағымдардың шынайы бейнесін көрсету, одан сақтандыру әрбір саналы азаматтың міндеті болса керек, - деп ақпараттандырды.

 Қуаныш Түзелбеков

Рысқұлов аудандық мешіттің баспасөз қызметі