"Кәрібай молда" мешітінің найб имамы Алтай Бексұлтан Бірлік ауылы "Бірлік" мешітінде "Дін мен дәстүр" құндылықтары, жастардың діндегі орыны, жат ағымдағылардың адасқан тұстары туралы уағыз-насихат айтты.

"Алла Тағала адамзат әубаста бір ер мен әйелден жаратылғанын былайша баян етеді: «Уа, адамдар! Шүбәсіз, сендерді бір ер мен бір әйелден жараттық. Сондай-ақ сендерді бір-біріңмен танысып, табысуларың үшін сан алуан ұлыстар мен тайпаларға бөлдік» («Хужурат» сүресі, 13-аят). Барлық адам баласы бір ата мен анадан тараған. Түбі бір ата-анаға барып тірелсе де, әр халықтың өзіне тиесілі алуан-түрлі әдет-ғұрпы мен салт-дәстүрі бар. Аятта айтылғандай, Алла Тағала ұлыстар мен тайпаларды өзара тану үшін жаратқан. Әр халықтың өзін танытатын салт-дәстүрі бар. Егер салт-дәстүрі жойылса, сол халықтың өзі де жойылары сөзсіз" - деді имам.

Шу аудандық "Жәми" мешітінің баспасөз қызметі