Бүгін Отан қорғаушылар күні мен Ұлы Жеңіс күні қарсаңында ауылдық округ әкімі аппаратының ұйымдастыруымен Жақаш ауылы А.Суханбаев орта мектебінде салтанатты жиын болып, Ақәділ Суханбаевтың бюстына гүл шоқтарын қою рәсімі өткізілді.

Ауылдық округтің қоғамдастық кеңесінің төрағасы Ж.Момбаев құттықтау сөз сөйлеп, ауыл имамы Н.Тұрлыбаев мерекемен құттықтап, батырға арнап Құран бағыштады. Соғыс жылдары жас ғұмырын оққа тосып, ерен ерлік көрсеткен батыр туралы мектеп оқушылары "Ақәділ марышы" әнін орындады. Округтің мекеме басшыларымен бірге гүл шоқтары қойылды.