Жамбыл аудандық «Бәйдібек» мешітінде білікті ұстаз, РАНТ мүшесі Ғазиз Ахмет жұма намазының алдында «Мұсылман – мұсылманның қамқоршысы» тақырыбында уағыз айтты.

Алла Елшісі (оған Алланың салауаты мен сәлемі болсын) хадисінде: «Кімде-кім мұсылман бауырының қажетіне жараса, Алла Тағала да оның қажетін өтейді. Кімде-кім мұсылман бауырының қайғы-мұңын сейілтсе, Алла Тағала оны қиямет-қайымның бір қайғысынан құтқарады», – деп мұсылмандар бір-біріне бауыр, жаны ашитын, керек кезінде табылатын, сыртынан дұға жасайтын жанашыры екендігін атап өтті. Жиналған жамағатты ауызбіршілікке, бөлінбей біртұтастыққа шақырды. Шараға 300 адам қатысты.