Жамбыл облысы Байзақ аудандық «Байзақ баба» мешітінде Бауыржан Берлібайұлын еске алуға арналған «Құран мәңгі мұғжиза» атты Құран жарысы өтті.

          Жарысқа аудандық «Байзақ баба» мешіті, Кеңес ауылдық «Кеңес» мешіті және Қостөбе ауылдық «Қостөбе» мешітінің шәкірттері қатысты. Жарыс «30-пара», «жарты пара» және «15 сүре» аталымдары бойынша өтті.

         Әділ қазылар алқасында аудан бас имамы Қанат Әділханұлы, «Байзақ баба» мешітінің наиб имамы Азамат Боранбайұлы мен Үлгілі ауылдық «Әбдімажит» мешітінің имамы Қайыржан Түзелбай қари төрелік етті.

         Аудан бас имамы Қанат Әділханұлы: «Алла Тағала: «Құран оқылғанда оған құлақ салыңдар әрі үндемеңдер, рақымдылыққа бөленесіңдер», – десе, Пайғамбарымыз Мұхаммед (оған Алланың салауаты мен сәлемі болсын): «Сендердің ең жақсыларың – Құранды үйреніп, оны өзгеге үйреткендерің», – деп өсиет қалдырған. Құранды жақсылап оқыған, әріптерін дұрыс оқуға машықтанған мұсылман Құранды жазуға тағайындалған мәртебелі періштелермен бірге болатынын Айша (Алла оған разы болсын) анамыздан келген риуаяттан көреміз: «Құранды шебер оқуға машықтанған жан Құранды жазуға тағайындалған мәртебелі періштелермен бірге болады. Ал Құранды оқығанда ежіктеп, қиналған кісі екі сауап алады», – деп, сөз бастап, жарысты ашып берді.

Аудан бойынша 23 жасөспірім бақтарын сынаған Құран жарысы нәтижесінде қазылар алқасының шешімімен 3 аталым бойынша жеңіс тұғырынан көрінген жарыскерлердің тізімі төмендегідей:     

30-парадан:

1-орын: Қали Дархан («Байзақ баба» мешіті). Жүлдесі – 30 000 теңге.

2-орын: Баймуханов Наурыз («Байзақ баба» мешіті). Жүлдесі – 25 000 теңге.

3-орын: Адилов Жаслан («Байзақ баба» мешіті). Жүлдесі – 20 000 теңге.

         Жарты  парадан:                     

1-орын: Гурбанмурадов Сүлейман («Байзақ баба» мешіті). Жүлдесі – 20 000 теңге.

2-орын: Мырзабек Мұхаммедәли («Қостөбе» мешіті). Жүлдесі – 15 000 теңге.

3-орын: Юсупов Елшібек («Байзақ баба» мешіті). Жүлдесі – 10 000 теңге.

15 сүре бойынша:

1-орын: Темірбекұлы Ақтілек («Байзақ баба» мешіті). Жүлдесі – 15 000 теңге.

2-орын: Ғайыпбай Нұрасыл («Байзақ баба» мешіті). Жүлдесі – 10 000 теңге.

3-орын: Турекелді Нұрбақыт пен Нұрхан Қуаныш («Байзақ баба» мешіті). Жүлдесі – 5 000 теңге.

Қалған қатысушыларға алғыс хаттар мен ынталандыру сый-сияпаттары табысталды.