Ресей мемлекетінің аса ірі музейлерінің бірі Эрмитажда орыс халқының ұлттық киімдерінің көрмесі өтуде. Топтама арасында түрлі топтағы орыс әйелдері киген бас киімдер мен ұзын көйлектер кездеседі. Бір қызығы, көрмеге қойылған ұлттық киімдердің көпшілігі шариғат талаптарына сай тігілген көрінеді.

Орыс халқының ежелгі дәстүрінде әйелдердің басын бүркенбей, ашық жүруі әдепсіздік болып табылған. Көрмеге қойылған тарихи киімдерді зерделеп қарайтын болсаңыз, қазіргі таңда «хиджаб» деп атап жүрген бас жамылғының көне Орыс елінде баяғыдан болғанын аңғару қиын емес.