Джектің осы уақытқа дейін жиған 20 долларын мешіт үшін садақа етті. Баланың анасы Лаура мешітке осындай қарақшылық шабуыл жасау адамилыққа жат қылық екенін, әр адамның сенім еркіндігі болуы керектігін айтты.

Имам Файсал Нами мешітке жасалған қастандық Париж терактісінің жалғасуы болуы мүмкін екенін мәлімдеді. Ол «осындай қылмысты жасаған бірнеше адам 1,6 млрд мұсылман халқының атына, ар-намысына күйе жағатынын, бұндай әрекеттерді америкалықтар жасады деп ешкім айтпайтынын» ашына айтты. «Ал балақайдың 20 доллары біз үшін ерекше сый-құрмет. Орталық үшін де, жеке өзім үшін де. Бұл жерде өмірге пәк жүрекпен қарайтын Джектің ниеті маңызды» дейді имам.