Жамбыл облысы Байзақ ауданы Аймантөбе ауылдық «Аймантөбе» мешітінің жамағатымен облыстық «Һибатулла Тарази» мешітінің ұстазы Есет Таласбаев кездесіп, «Уақып сарқылмас қазына» тақырыбында насихат айтты.

Насихат барысында: ««Садақаны сауыңда бер» дегенді бойымызға сіңіріп өскен халықпыз. Енді оның да сапалысына ұмтылатын шақ жетті. Ол «Садақа жария» яғни, «сауабы еш сарқылмайтын садақа». «Жария» дегенде көпке жария қылып берілген садақа екен ғой деп қалуымыз бек мүмкін. Бірақ, олай емес. Ал садақа жалпы алғанда мал-мүлік пен қатар ықылас ниетпен, тіпті себепкер болумен де жасала береді. Оның төмендегідей төрт түрі бар екенін тілге тиек ете кетейік. Парыз, Пітір, Нәпіл және Жария болған садақалар», - деді.