Жамбыл ауданы, Қаракемер ауылы, «Қаракемер» мешітінің молдасы Дәулеткелді Жансақаловтың ұйымдастыруымен жамағат арасында «Ислам және дәстүр құндылығы» жылына орай ұлттық ойындар өткізілді. Дін мен дәстүр сабақтас ұғым екендігін атап өтіп, қол күрес, арқан тартыстан жарыс өткізілді.

Жарыс өткізу арқылы жамағатты бірлікке, ұйымшылдыққа, бауырмашылдыққа шақыру, ұлттық ойындарымызды жаңғырту негізгі мақсат болып табылады. Пайғамбарымыз: «Сыйлық сыйлаңдар, сонда араларыңда сүйіспеншілік, бір-біріңе деген құрметтерің артады» - делінгендей жарыс соңында алғыс хаттармен қатысушылар марапатталды. Шараға 25 адам қатысты.