"Бірлікүстем" мешітінің молдасы  Жетпісбай Әлімбеков Ауылдық мәдениет үйінде мектеп мұғалімдері, мәдениет қызметкерлері, әкімшілік қыметкерлерінің қатысуымен "Дін мен дәстүр" тақырыбында насихат айтты.

"Жалпы дін мен дәстүрдің өзара байланысы аса қажет. Қазақ халқының күнделікті тұрмыс тіршілігі, әрбір іс-әрекеті Исламмен астасып жатыр. Мәселен, қазақтың ең үлкен дәстүрлі тойларының бірі – шілдехана. Баланың дүниеге келуі – бір ғана отбасының емес, бүкіл ауылдың, елдің қуанышы болған. Бала – өмірдің қызығы. Атам қазақтан «Балалы үй – базар, баласыз үй – қу мазар» деген аталы сөз қалған. Сондықтан ата-бабаларымыз сәби дүниеге келген кезде салт-дәстүр бойынша жаңа туған нәрестеге арнап қой сойған. Бұл дәстүр шариғатта «ақиқа» деп аталады. Ал қазақ салт-дәстүрі бойынша «қалжа» делінеді" - деп имам дінге қарай жасалып, дәстүрге айналған салттарға тоқталып өтті.

Шу аудандық "Жәми" мешітінің баспасөз қызметі