«Ел болам десең, бесігіңді түзе» деп айтқандай, әрбір ата-ана өз баласының тәртібі мен тәрбиесіне аса мән беріп, бос уақытта немен айналысатынына қатаң бақылау жасалып отырса, жасөспірімдер арасында болатын құқықбұзушылық болмауына пайдасын тигізеді.

Бүгінгі таңда қоғамның алдында тұрған басты міндеттердің бірі — балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Бұл мәселе қазіргі таңда көкейтесті мәселелердің біріне айналып отыр. Осы ретте бүгін Абай атындағы орта мектебінде балалардың қауіпсіздігі, ерте жүктілік, балаларға қатысты зорлық-зомбылықтың алдын алу, кәмелетке толмағандардың көшеде түнгі сағат 23:00-де беймезгіл уақытта жүрмеуі, деструктивті діни ағымдардың зияны туралы ақпарат беріліп, түсіндірме жұмыстары жүргізілді. Жамбыл Облысы Әкімдігі мамандары, Жамбыл облысы әкімдігінің ішкі саясат басқармасы, Жамбыл облысының Өңірлік коммуникациялар қызметі, Шу ауданының бас имамы Алмас Кенжемолдаев қатысты. 

"Әрбір ата-ананың назарына, кәмелет жасына жетпеген балаларын қараусыз қалдырмауды, бала тәрбиесімен тұрақты түрде айналысуды ескертеміз. Сондықтан ата-аналар өз балаңыздың өміріне жауапты екеніңізді ұмытпаңыздар" - деп атап өтті мамандар. 

Шу аудандық "Жәми" мешітінің баспасөз қызметі