Шу ауданы "Баласағұн" мешітінің имамы Байұзақ Жаманкеев ауыл тұрғындарымен кездесті. Шара барысында жат ағым туралы, дін мен дәстүр сабақтастығы, ұлттық құндылықтар турасында насихат айтты. 

"Қазақ халқы шариғатты да, адамның болмысын да жақсы түсінген. Қазақ халқының әрбір жасаған ісі, сөздері таза болмыстан (фитрат) алыс кетпей, Құран және сүннет елегінен өтіп, мықты бір дәстүрге айналғанын білеміз. Қазақ халқының салт-дәстүрлері Ислам дінімен біте қайнасып, мұсылманшылықты өмірлік жол ретінде салт-дәстүріне айналдырғанын салт-сана мен алдыңғы буыннан қалған қанатты сөздерден де байқау қиын емес" - деп атап өтті имам.

Шу аудандық "Жәми" мешітінің баспасөз қызметі