Тұрар Рысқұлов аудандық «Сұлтан» мешітінің бас имамы Сұлтаншәріп қажы Жәнібекұлы аудандық әкімдікте өткен айтулы іс-шараға қатысып, өз ой-пікірін ортаға салды. Жиынға ауданда ілгеріден жұмыс жасап келе жатқан ақсақалдар алқасының мүшелері, билер кеңесінің мүшелері және әкімшілік қызметкерлері қатысты.

Билер кеңесінің төрағасы мен ақсақалдар алқасының төрағасы баяндама жасап, атқарылған жұмыстарының есебін берді. Сонымен қатар, ауданның бас имамы Сұлтаншәріп қажы да өз кезегінде сөз алып, ауданда орын алып жатқан мәселелерге байланысты сөз қозғап, ортаға салды. Жалпы, жиында жастар тәрбиесі, отбасы және ажырасу мәселелері көтеріліп, қоғамды ізгілікке қалай бастаймыз деген сұраққа жауап іздеді.

 Қуаныш Тузелбеков

Рысқұлов аудандық мешіттің баспасөз қызметі