29 Қараша 2024
27 Джумада-авваль 1446
Сауд Арабиясы үкіметі тұрғын үй санатына кірмейтін мекемелер үшін су бағасын көтеру туралы шешім шығарды. Енді 2015 жылдың 16 желтоқсанынан бастап корольдіктің үкіметтік және өндірістік ғимараттары, сондай-ақ, ірі корпорациялары су ақысына әдеттегі бағадан екі есе жоғары төлеуі тиіс, яғни әр 1 текше метр суға 9 риалдан (2,40$) есептеледі.
Сонымен қатар, корольдікте суды ысырап ету мен шектен тыс пайдалануға да шектеу қойылмақ. Дегенмен, ел тұрғындары ескі бағамен төлей береді, деп жазады Gazeta.ru. Сауд Арабиясындағы су нарқының көтерілуі корольдік бюджетіндегі тапшылықтың алдын алуға бағытталған. Себебі, әлемдік нарықтағы мұнай бағасының төмендеуі ел қазынасына да айтарлықтай әсер етіп отыр.
