Қордай ауданы «Қордай» мешітінде «ҚМДБ» Рант мүшесі, облыстық «Һибатулла Тарази» мешітінің ұстаз Нұралы Бақытұлы жиналған жамағатпен амандасып, қал жағдайларын сұрасып, артынша келелі уағыз-насихат жүргізді.

Уағыз «Салиқалы ұрпақ» тақырыбында өрбіді. Парасатты, ізгі тәрбие – бұл ең әуелі баланың өз ата – анасын сыйлауы, иманды болып өсуі, жанашыр, адал, еңбекқар, кішіпейілділік секілді ізгі қасиеттерді бойға сіңіру екендігін тілге тиек етті. Алла Тағала қасиетті Құранда «Фурқан» сүресінің 74 – аятында: «Олар (Рахманның тақуа құлдары): «Раббымыз! Бізге жұбайларымыздан, ұрпақтарымыздан көзайымын бер! Әрі бізді тақулардың алды қыла гөр!»-деп айтады.»

Ардақты Пайғамбарымыздың (оған Алланың игілігі мен сәлемі болсын ) хадис шарифінде: «Адам баласы дүниеден өткен соң, оның амалының барлығы үзіледі, (тоқтайды) тек үш түрлі амалы үзілмейді: жария берген садақасы, артынан қалдырған пайдалы ілімі немесе оған дұға жасайтын салиқалы ұрпағы»- деген.

Аудандық "Қордай" мешітінің баспасөз қызметі