Жамбыл облысы Байзақ ауданы Көкөзек ауылы «Жантай ата» мешітінің имамы Бекжан Майданбекұлының ұйымдастыруымен ауданға қарасты ауыл имам-молдалары арасында салауатты өмірді қалыптастыру мақсатында кіші футбол ойыны өтті. Спорттық шараға жас имамдардан бастап, жасы үлкен имамдарға дейін атсалысты.

Шараға аудан бас имамы Қанат Әділханұлы қатысып, ауыл имам-молдаларына: «Салауатты өмір салты – бұл ең әуелі денсаулықты сақтауға және нығайтуға бағытталған сауықтыру жолындағы белсенді іс-әрекет. Адамның өмір салты өздігінен қалыптаспайды, ал салауатты өмір салты өмір сүру барысында мақсатты түрде қалыптасады. Қазіргі мәліметтер бойынша денсаулық 53-55%-ға салауатты өмір салтына тәуелді болады екен. Бұдан салауатты өмір салтын ұстанудың қаншалықты маңызды екендігі айқын», - деді.

Шара соңында дастархан жайылып, ас беріліп, ақсақал имам-молдалар баталарын берді.