«Қазіргі уақытта 6-дан көп мейманхана «халал» сертификаттауынан өтіп, мұсылман жұртшылығына қызмет етуге дайын. Онда арнайы ас мәзірі, бөлмелерде жайнамаздары мен Құран кітаптары бар» дейді Мәскеу туризм және аймақтық байланыс, ұлттық саясат департаменті жетекшісінің орынбасары Сергей Шпилько.

Оның айтуынша, бүгінде Мәскеуге келуші туристердің басым бөлігін ислам дінін ұстанушы қауым құрайды екен. Енді осы «халал» сертификатын алған қонақүйлердің барлығында қасиетті Құран кәрім, құбыла бағыты көрсететін компас, дәрет алатын құман, намаз кестесі, сондай-ақ, құрамында спирт және жануар майларынан қосылмаған сабын-шампунь заттары болады.