Тұрар Рысқұлов ауданы Қонаев ауылындағы «Жақып» мешітінің имамы Ерлік  Қожахмет ауылдың мәдениет үйінде аналар күніне орай «Анашым – жәннатым» атты тақырыпта ауыл тұрғындарымен кездесу жасады. Кездесуге тек қазақ емес басқа ұлттың аналары да қатысты.

 Ерлік имам кездесуде: «Али ибн Әби Талибтан (р.а.) риуаят етілген хадисте: Мен Алланың Елшісінен былай деп айтқанын естідім: «Мен әке – шешемнің хақысын өтемеуден тазамын» - деді. Сонда мен айттым: - Ей, Алланың елшісі, егер де әке–шешенің ақысын өтейтін еш нәрсе болмаса, не істеу керек? Пайғамбарымыз (с.ғ.с.) айтты: «Егер ол екуінің сөзін естіген болсаң, естідім де, мойын ұсындым - деп айт. Ол екеуі үшін «туһ» деме. Сондай-ақ ол екеуіне зекіме де, ол екеуіне сыпайы сөз сөйле» - деді. Тағы бір хадисте: Бір кісі пайғамбарымыз (с.ғ.с.) -ға келіп айтты: - Ей Алланың елшісі, Дүние және ахиретте пайдаланатындай маған өсиет айтыңыз - деді. Сонда Пайғамбарымыз (с.ғ.с.): - Әке-шешең бар ма?- деп сұрағанда. Әлгі кісі: - Иа, бар - деп жауап беріпті. Пайғамбарымыз (с.ғ.с.) айтты: «Олай болған болса, ол екеуінің ақысын өтеп, тамақтандыратын болсаң, Алла Тағала әрбір жұтым тағамынан сен үшін жәннәттан сарайлар тұрғызып береді» - деп, асыл пайғамбардың өнегеге толы сөздерін ашықтап, баяндап өтті.

 Қуаныш Түзелбеков

Рысқұлов аудандық мешітінің баспасөз қызметі