Тараз қаласының имамдары мен жамағаты қаланың Бас имамы Ержан Аманбаевтың бастамасымен «Көне Тараз» тарихи мекеніне және 120 жылдан астам тарихы бар киелі «Әулие ата» мешітіне зиярат жасады.

Бұдан алдын Бас мүфти Наурызбай қажы Тағанұлының бастамасымен отандық туризмді дамытуға үлес қосу мақсатында «Дархан дала» жобасы іске қосылған болатын. Жоба мақсаты – халық арасында дін мен дәстүрімізге сай киелі орындарды зиярат ету мәдениетін қалыптастыру, жұртшылыққа шариғат әдебін сақтауды үйрету, тарихи, киелі орындарға тур ұйымдастыру.