Меркі ауданы, Қызылқыстақ ауылы «Әл-Кәрим» мешітінің жамағатына Бекболат Бердімұратұлының «Мұхтасар мұғалім сәни» атты еңбегі сыйға тартылды.

Бұл еңбек - өте ыңғайлы, қарапайым халыққа түсінікті тілде жазылған және «QR» коды арқылы қашықтықтан онлайн дәрісінен үйренуге болады.

Мешіт жамағаты арасынан мешітке тек намазға уақыт тауып келетін, қалған уақытында қолы тимей отбасының, бала-шағаның қамы деп, кәсіп етіп жүрген жамағаттарымызға таратылды. Арнайы дәріс үшін мешітке келе алмасада, бос уақыт тауып үй жағдайында қашықтықтан онлайн 10-15 минут оқып, Алланың қалауымен қасиетті Құран Кәрімді арапшасынан оқып үйренсін деген ниетпен 20 адамға кітап сыйға берілді.

Осы игі іске атсалысқан барша бауырларымыздың ниеттерін Алла қабыл етіп, сауаптан жазғай. Алла Тағала баршамыздың ілімге деген зейіндерімізді, ыждаһаттарымызды ашсын!!!

Меркі аудандық «Меркі ата» мешітінің баспасөз қызметі