Қажылық миссиясының төрағасы Ғылымбек Мәжиев қажылар арасында қария кісілердің көп екенін, олардың денсаулығы дәрігерлер тарапынан жіті бақылауда ұсталатынын хабардар етті.

 «Аллаға шүкір, қазір отандастарымыздың денсаулығы, жалпы ахуалы жақсы. Әрбір қажылық фирмасында дәрігерлер күндіз-түні жұмыс істеуде. Сонымен қатар Қажылық миссиясындағы бес білікті дәрігерлеріміз қосымша науқастарды қабылдап, қажетті ем-дом жасап келеді. Ал қоғамдық көліктің көмегімен қажылық фирмалардың қызметіне тексерулер жүргізіп, қажыларымызбен кездесулер өткізіп жатырмыз» деп мәлімдеді Қажылық миссиясының төрағасы.