Осылайша 2015 жылдың қажылығы енді ең аз көлемдегі қажылық саналмақ. «Келесі жылғы қажылықта адам саны 5 млн-ға көбейеді. Алдағы 5 жыл ішінде бұл көрсеткіш 30 млн-ға жетіп жығылады» деп мәлімдеді Қажы минстрі Бандар Хаджар.

Құрылыс жұмыстарының жүргізілуіне байланысты соңғы жылдары Сауд Арабиясы бірқатар елдерге берілетін қажылық квотасын қысқартқан еді. Мәселен, Сингапур республикасында ел азаматтарына 800 орынға квота сұратылғанымен, 680 орын бөлінген. Ал қажылық кезегіне 17 000 сингапурлік тіркелген.

Қажы министрлігі тарапынан жасалған бұл мәлімдемеге Бангладеш мұсылмандары да қуануда. Соңғы жылдары Бангладешке берілген квота көрсеткіші де 20 пайызға қысқарған болатын, деп жазады Arab News.