«Басты себеп құм бораны мен жойқын желдің салдарынан болып отыр. Құм дауылы 30-40 жылда өтіп тұрады, ол небәрі 2-3 минуттың ішінде жарық күнді тас қараңғы түнге айналдырып, түнек орнатып жібереді» дейді Р.Аббясов.

Мүфтилер кеңесінің төраға орынбасары қазіргі кезде 12 000-ға жуық Ресей қажылары Сауд Арабиясына аман-есен жетіп, ұлық ғибадатқа дайындық үстінде екенін де мәлім етті.

Ал күні кеше Мекке билігі нөсерлі жаңбыр мен құм бораны болған сол күні найзағай отының кранға түскенін хабарлаған еді. Мына бейнежазбада уақиға болардан бұрын басталған құм боранының қалаға ентелей еніп, әп-сәтте күнді түнге алмастырған сәті түсірілген.