Аталмыш фильм елдің 143 кинотеатрынан көрсетіледі. Айта кетсек, фильм түсірілімі барысында сүнниттер тарапынан режиссерлерге «туындыда пайғамбар (с.а.с.)  бейнесі көрсетілді» деген сын-пікірлер айтылған еді. Осы себептермен фильм тұсаукесері кейінге қалдырылды. Ал кейбір діни бірлестіктер бұл фильмді көрсетілімнен алып тастауды әлі күнге талап етуде.

Сонымен, түсірілімге 7 жылға жуық уақыт кеткен. Кино авторлары онда пайғамбар (с.а.с.)  бейнесі көрсетілмейтінін мәлім етті. Режиссер Маджид Маджиди осы туынды арқылы ислам жайлы әлемнің көзқарасына оң ықпал етсем деген мақсат қойыпты. Ол сондай-ақ Мұхаммед пайғамбар туралы тағы екі фильм түсіруге ниетті екенін де жеткізді.