«Осы көрмеде Батыс Ачехте сақталған тарихи құнды жәдігерлерді ұсынамыз» дейді Мурсалин әкімшілігінің жетекшісі. Осындай ескі Құран нұсқаларының бірі шейх Маулана Малик Ибрахимнің қолымен 700 жыл бұрын жазылған кітап.

Батыс Ачех мемлекеттік мұражайында 300-500 жылдық тарихы бар 62 Құран қолжазба нұсқалары сақталған. Алайда бұл кітаптардың ішінде 700 жылдық тарихы бар қолжазбаның орны ерекше.

Еске сала кетсек, өткен айда Үндістанда 410 жыл бұрын Моғол билеушісі Акбардың тұсында жазылған Құран кітабы табылған еді.

Шілде айында Бирмингем университетінде (Ұлыбритания) радиокөміртек анализі қорытындысына сәйкес, 568-645 жж.пайда болған Құран қолжазбасы табылған болатын. Бұл құран кітабының ғұмыр жасы 1370 жылға толып отыр.

Сондай-ақ, байырғы заман Құран кітаптары Түркия, Египет, Өзбекстан мен Йемен мұражайларында да сақталған.