Елдегі мұсылмандар мен христиан қауымы да ел президенті Мұхаммад Бұхаридің бұл шешіміне қолдау білдірді. Олар қажылық пен одан өзге де діни рәсімдерге жұмсалар қаражатты дағдарысқа ұшыраған елдің экономикасын көтеруге бағыттаған дұрыс деген пікірге қосылды.

«Егер үкімет шынында дінге жанашырлық танытар болса, қазіргі уақытта ел экономикасын көтеруге бар күшін салғаны дұрыс. Экономикамыз көтерілгесін қажылыққа да жағдай туады» деді Қоғамдық іс жөніндегі мұсылман орталығының директоры Дису Камор.

Осылайша президент Мұхаммад Бұхаридің бастамасымен мемлекет бюджетінің 1 млн доллар қаражаты қазынаға қайтарылды.

Нигериялық мұсылман кәсіпкер Саудат Саллях Абдул-Бакы биліктің бұл шешімі дер кезінде шыққан деп есептейді. «Себебі, көптеген тұрғындар мемлекеттен бөлінген қаражатты Меккеге тегін саяхат деген түсініп барады. Рухани маңызы да төмендеп бара жатқан секілді» деді ол.