Америкадағы сәнді әрі қарапайым киім киім-кешектің қат болуы ендігі өткен күннің еншісінде қалмақ. Verona Collection жаңа бренді мұсылман әйелдеріне арналған киімдер коллекциясын алдағы жылдан бастап ұсынатын болды. Verona Collection негізін қалаушы Лиза Вогл бұл киімдер тек қана діни ұстанымға ғана байланысты емес, барлық қыз-келіншектеріне лайықты болатынына сенімді.

Оның айтуынша, ашық-шашық, қысқа киімдерге қарағанда етек-жеңі ұзын киімдер модельердің ой-қиялы мен шеберлігіне көп үлес қосады екен.

«Ислам қалыптастырған етек-жеңі бүтін киімді киюден қорықпаңыз. Маған жараспайды деген ойды да бастан шығарып тастаңыз. Керісінше өзіңізді қорғап, тәніңізді, сұлулығыңызды қорғап тұрған киімің сізге қуаныш әкелсін» дейді Лиза Вогл.