«Мына қоғамның азаматтарының назарына ақиқатында қандай жандарға қол созып, көмектесу керектігін ұғындыру керек. Қайырымдылық пен мейірімділікті молдалар мен имамдарға емес, кедей-кепшіктерге көрсету керек» деген Э.Рахмон Ғалымдар кеңесінің төрағасы Саидмукаррам Абдукодирзодеге ескерту жасады.

Еске сала кетсек, шілде айының соңында Тәжікстанның шығысында өткен селдің салдарынан жүздеген отбасы баспанасыз қалған болатын. Адам шығына да тіркелді. Осыған байланысты Тәжікстан әлемдік қауымдастықтарға зардап шеккен халыққа көмектесу туралы хабарлама жасады.

«Мен барлық дін қызметкерлеріне жоғары шенді азаматтармен, кәсіпкерлермен, бір сөзбен айтқанда бай-дәулетті адамдармен тойларға, іс-шараларға бармау керектігін ескертемін. Мен осы жерлерге сіздердің күн сайын баратындарыңызды білемін. Енді тек мұқтаж жандардың шаңырағынан табылып, кедейлермен бірге болыңыздар» деп сөзін түйіндеді Э.Рахмон.