Әркім өз тарапынан, өз жағынан, өзінің қай тараптың адамы екенін білдіруі тиіс. Басқа амал жоқ. Өйткені, ақыретте адам баласының баратын екі жағы ғана бар. Бірі – жұмақ, екіншісі – тозақ. Үшінші жер жоқ. Ақыретте «Сен қай тараптың адамысың?» деп сұралады.

Сүлейман алейһиссалам әрі пайғамбар, әрі патша еді. Ел басқарып тұрғанында мемлекеттің ақсүйектері, бекзадалары оған сыйлық апарады. Бір құмырсқа да елден қалма, шегірткенің жұлынған бір аяғын аузына салып тістеп хан сарайына бет алып барады екен. Құмырсқадан қайда барасың деп сұрайды.

–Сүлейман алейһиссаламға сыйлық апара жатырмын – деп жауап қайтарады.

–Көптеген ақсүйектер, бекзадалар алуан түрлі сыйлықтар апарып жатыр, сенің шегірткеңнің аяғына кім қара        йды?

– Олай демеңдер. Сүлейман алейһиссаламға сыйлық әкелгендердің аттары бір тізімге жазылады, мен де өз атымды сол тізімге жазамын. Ол жерде кім келді, кім келмеді деп тізімге қаралады екен.

         Ибраһим алейһиссалам отқа тасталатын кезде, тағы да бір құмырсқа аузына су толтырып тасып жүреді. Бір мүбәрак кісі құмырсқаға:

–Сен отқа жақындай алмайсын ғой, мына аузыңдағы сумен отты қалай сөндірмексің? –дейді.

–Әрине сөндіре алмаймын, сөндіре алмайтынымды өзім де білемін – дейді құмырсқа.

         Оның арғы жағында жылан отқа тоқтамай үрлеп жатады. Жыланнан:

–Сен не істеп жатсың? –деп сұрайды.

–Ибраһим қазір отқа тасталады, отты одан сайын лаулап жансын деп үрлеп жатырмын.

–Неге олай істейсің?

– Мен де кімнің жағында екенімді білдіріп жатырмын. Мен отты жағушылар жағындамын.