Бұрында да, қазірде де «ақ және қара сиқыр» болады деп өз әңгімелерімен басқаларды адастыратын адамдар аз емес. Олардың сөздерінше, қара сиқыр жасау үшін әлдебір пұтқа табынатын ғибадатханаға бару керек те, ал ақ сиқыр үшін «әулие» адамдарға бару керек, демек ақ сиқырдың еш залалы жоқ.

Негізінде, ешқандай да «ақ» сиқыр жоқ. Барлық сиқыр қара болып табылады әрі бұл сиқыршылық. Қасиетті Құранда көрсетілген аяттар кез-келген сиқыршылық пен сиқырдан сауықтырады. Бұдан басқа, егер біреу ауырып қалар болса, сырқатты сиқыршылықтың салдары деп санамаңдар және «әулие» тәуіпке жүгірмеңдер, олардың көпшілігі – көз бояушы ғана емес, сондай-ақ, арсыз алаяқтар да. Жақсы дәрігерге көрініп, Алла Тағалаға жалбарынып, Одан сауығуды сұраңдар. Өйткені «дертті беретін де әрі оның емін беретін де Бір Алла». Сонымен қатар, шейх Мұхаммед Закария, оған Алланың рақымы болсын, жындар мен сиқырдан сақтану үшін, дәретпен әрі таза жүруге тырысудың маңыздылығын баса айтқан.