Тұрар Рысқұлов ауданы Қарақыстақ ауылдық кітапханасында Астана күніне орай кітапхана  мен  мәдениет үйінің ұйымдастыруымен "Жайнай  бер, ару Астана" атты дөңгелек үстел  өтті.

Іс-шара барысында  мәдени кешті ұйымдастырушы Астана қаласының тарихына байланысты  викториналық  сұрақтар қойып, оған тұшымды  жауаптар  айтылып, нақты  жауап берген қатысушыларға алғыс  хаттар ұсынылды.

Ауыл имамы Қайсар  Сұлтанов та белсенділік таныта отыра қатысып, бірнеше сұрақтарға дұрыс жауап беріп, алғыс хат иеленді. Іс-шара  соңында кітапханашы  "Жаңа ғасырға - жаңа Астанамызбен" деген тақырыптық сөреге шолу жасап, таныстырып өтті.

Қуаныш Түзелбеков 

Рысқұлов аудандық мешіттің баспасөз қызметі