Тасаттық – құрғақшылық және қуаңшылық кезде Алла Тағаладан жаңбыр тілеу үшін атқарылатын діни рәсім. Мұны дінде «Жаңбыр сұрау дұғасы» немесе «Жаңбыр сұрау намазы» деп атайды. Арабшасы «истисқа» («жаңбыр сұрау») деп аталады.

Абай ауылында болған жағдайдан соң Қордай ауданына қарасты барлық ауылдар Алладан жаңбыр тілеп, истисқа намазын оқыды. Тұрғындардың қатысуымен барлық ауылда бір уақытта тасаттық берілді.

Имамдардың етекшілігімен құрбандық шалынып, дастархан жайылды. Ақсақалдар Жаратушыдан елдің амандығын, тілсіз жаудан қорғауын тілеп, бата берді.

 Қордай аудандық мешітінің баспасөз қызметі