Жамбыл облысы Байзақ ауданына қарасты «Байзақ баба» мешітінде Есеев Азамат ұстаз, Кеңес ауылдық «Кеңес» мешітінде Жайлауов Ғали имам, Жетібай ауылдық «Ақыл ата» мешітінде Турабаев Қадырбек молда, Қызыл жұлдыз ауылдық «Бейшен» мешітінің имамы Оразбаев Акбар және Байзақ ауылдық «Тілеш қажы» мешітінің молдасы Абиров Рахымбек  жастарға діни сауат ашу курстарын өткізуде.

         Дәріске ауыл тұрғындары қамтылған. Дәрістің өтілудегі мақсаты жастардың діни білімін көтеріп, салт-дәстүрді насихаттау және жат діни ағымдардың арбауына түсіп кетудің алдын алу болып табылады.

         Әрбір дәрісте мұсылманға керекті болған 40 парыз және бейнелі намаз бен қасиетті Құран Кәрім үйретілуде.