"Бас хатшы халықаралық қауымдастықты аталған террористік актілерге нүкте қойып, мәдени жәдігерлердің ұрлануына жол бермеуге шақырды" делінген БҰҰ-ның баспасөз қызметі жасаған мәлімдемеде.

Мәлімдемеде көрсетілгендей, тарихи-мәдени ескерткіштердің көзін қасақана жою әскери қылмыс болып табылады және оған кінәлілер міндетті түрде жазалануы тиіс.

Айта кетейік, кеше "Ислам мемлекетінің" содырлары Ирактағы көне Дур-Шаррукин қаласының тас-талқанын шығарды. Аталған шаһар б.з.д. 717 жылы екінші Саргон патшаның әмірімен салынған.