Қанды оқиғаға қатысы бар деген күдікпен 46 жастағы Крэйг Стивен Хикс қолға түскен. Ол бір отбасының үш мүшесін - 23 жастағы ер азамат Шэдди Баракатты, оның 21 жастағы әйелі Юсор Мұхаммедті және Юсордың сіңлісі 19 жастағы Разан Мұхаммед әбу-Шалланы атып өлтірген. Оқиға марқұмдардың үйінде кеше кешке орын алды.

Agence France-Presse агенттігінің хабарлауынша, Хикс полицияға өзі берілген. Оған аса ауыр қылмыс жасады деген айып тағылып отыр. Күдіктіні кісі өліміне не итермелегені әзірге белгісіз.

Осынау жаңалықты естіген америкалықтар әлеуметтік желілер арқылы өз наразылықтарын білдіруде. Тақырыпты талқылап жатқандардың есебі жоқ. Көпшілігі мұны терракт деп бағалап отыр. 

hibatulla.kz