Сауд Арабиясының жаңа королі Салман ибн Абдул Әзиз әл-Сауд барлық мемлекеттік қызметкерге 2 есе еңбекақы төлеу туралы қаулы шығарды.

Мұндай кеңшілік мемлекеттік жоғары оқу орындарында оқитын студенттерге де жасалып отыр. Жастарға 2 айлық шәкіртақы беру туралы шешім қабылданды.

Сауд Арабиясының патшасы бірден 30 жарлыққа қол қойған. Ол министрлер кабинетінде соңғы жылдардағы ең ауқымды өзгерістер жасады. 9 министрліктің басшысы ауыстырылды. Мұндай өзгеріс губернаторларға да қатысты жүзеге асты.

Естеріңізге сала кетейік, осыдан бір апта бұрын бұрынғы король Абдалла ибн Әбдел Әзиз әл-Сауд 91 жасқа қараған шағында қайтыс болған еді.

hibatulla.kz