Тұрар Рысқұлов ауданы Жаңатұрмыс ауылының жаны жомарт жандары мен Қорағаты ауылының имамы бастаған жамағат ауылдағы тұрмысы төмен 15 мұқтаж отбасына азық-түлікпен қайырымдылық жасады. Бұл қайырымдылық  «Қолдан қолға» акциясы негізінде жасалды. Сонымен қатар, Қасиетті Рамазан айының қарсаңында мұқтаж отбасыларға аз да болса да қол ұшын созып, көмек жасауды дұрыс деп тапқан еді. Акцияны «Қожай баба» мешітінің имамы Аубакиров Жанболат пен «Қорағаты» мешітінің имамы Байғожаев Нұрдәулет ұйымдастырып, іске асырған болатын.

Азық-түлікпен қамтамасыз етілген отбасылар қайырымды іс жасап, демеуші боп, қолдау білдірген жаны жомарт ауылдастарына ризалығын білдіріп, алғыс айтты.

  Қуаныш Тузелбеков

Рысқұлов аудандық мешіттің баспасөз қызметі