Еліміздің мешіттерінде ҚМДБ Әйел-қыздар секторына қарасты қыз-келіншектерге арналған діни сауат ашу курстары жұмыс жасайды. Соның бірі - 135 шәкірті бар "Кеңесхан қажы" мешітінің сауат ашу курсы. 

Аталған қыздар курсында дінтанушы, Рhd доктор Зейнеп Жәдігерқызы дәріс береді. Бүгінде білім беру деңгейі бойынша 1 сатыны оқып бітірген шәкірттер емтихан тапсырды. Сынақтан сүрінбей өткен нәзікжандылар 2 сатыға қабылданды. Ал сынақтан өте алмағандары қайта қайталауға қалдырылды. 

Осыған орай, 3 наурызда 1 сатыға жаңа шәкірттер қабылданып, 70-ке жуық адам курсқа келіп бастады. Айта кетейік, келесі деңгейге өткен қыз-келіншектер 2 сатыда дұғалар, Құран аяттары, тәжуид, фиқһ, ақида бойынша білімдерін жалғастырады. Емтихан соңынан тәтті шай дастарханы жайылып, әйелдер жамағаты уағыз тыңдап, білім алуға деген рухани қолдау алып тарқасты. Ал бастапқы деңгейге жазылған қыздар Құран әліппесімен қатар ғибадат, сенім, әдеп, пайғамбарлар тарихы пәндері бойынша дәріс алады. 

Алғашқы дәрісте ұстаз көпшілікпен танысып, мақсаттын сұрады. Білім алудың маңыздылығы мен ниетті дұрыс қоя білу туралы насихат айтып, дәрісті дұрыс ниетпен бастауға кіріспе жасады. 

"Бір сәтте 70 шақты кісінің сабаққа жазылуы әйелдердің білімге деген құштарлығының айғағы" - дейді Зейнеп Үсенова.

Ақерке БЕКҚҰЛОВА

"Һибатулла Тарази" мешітінің баспасөз қызметі