Имамдық қызмет жан-жақтылықты, аса жауапкершілікті талап ететін маңызды міндет. Аллаға сенген жамағатты ұйытып, рухани бағыт-бағдар беру, тәлім беру әркімге бұйыра бермейтін жұмыс. 

Бүгінде Тараз шаһарындағы көрікті  Алла үйі "Әзрет Әли" мешітіне жаңа имам тағайындалды.

ҚМДБ-ның Жамбыл облысы бойынша бас имамы Бейбіт Мырзагелдиев  халыққа жаңа имамды таныстыру мақсатында арнайы барып, жұма уағызын өткізіп қайтты. Бас мүфти Наурызбай қажы Тағанұлының бұйрығын оқып, тағайындалған имам Ержан Кәдірханұлын жамағатқа таныстырды. 

Айта кетейік, Ержан Көшкімбай 2015-2018 жылдары "Нұр Мүбарак" университетінде "Исламтану" мамандығы бойынша білім алған, 2018-2020 жылдар аралығында Меркі ауданы  Кеңес ауылы "Ар Раззақ" мешітінде имам қызметін атқарса, 2020 жылдан бері "Әзрет Әли" мешітінде наиб имам қызметін атқарып келген болатын. 

Жұма жиынының соңында облыс бас имамы жамағатпен жеке кездесу өткізіп, көкейкесті сұрақтарына жауап берді.

Ақерке БЕКҚҰЛОВА

"Һибатулла Тарази" мешітінің баспасөз қызметі