Қазіргі таңда елімізде түрлі іс-шаралар мен акциялар, қайырымдылық қорлары арқылы қол ұшын созатын ізгі жандар көбейіп келеді. Жақсылық жасайтын жандар әрқашан және әркезде табылады.

Осы орайда Тараз қалалық орталық «Әулие ата» мешітінің атынан көптеген бауырларымыз себепші болып, жақсылық жасаудан еш аянбады. Айтарлықтай, 400 адамға құны 8 000 000 млн теңгені құрайтын азық-түлік таратылды.  Алла Тағала  «Жақсылық жасауда өзара жарысыңдар» («Бақара» сүресі, 148-аят), деу арқылы ізгі бастамада өзара жарысуға ұмтылдырды.

Қоғамда әділдік пен теңдік, өзара сыйластық пен мейірімділік үстемдік етіп, ізгілік орнау үшін Рақымды Алла Өзі нәсіп еткен байлықтың бір бөлігін мұқтаж жандарға таратып беру үшін зекетті парыз етті.

Тараз қалалық орталық «Әулие ата» мешітінің баспасөз қызметі