Тәуелсіздік бізге ең алдымен, той тойлау үшін емес, ой ойлау үшін керек. Тәуелсіздіктің тайғақ кешулі жолында алдымыздан шығатын асу-асу белдер де болады. Ұлттық ұлан асуында ұйытқи соғатын желдер де болады. Сол асу-асу белдерде белімізді талдырмауымыз керек. Сол ұйытқи соғатын желдерде ұлы мұраттарымызды ұмыт қалдырмауымыз керек. Нағыз тәуелсіздікке қиын істе тәуекелге бара алатындардың ғана қолы жетеді.

Осындай тарихи оқиғада қаза тапқан барлық марқұмдардың рухына Шу ауданының барлық мешіттерінде Құран бағышталды.

Қасиетті жұма күнініне тұспа-тұс келген күні мешітке жиналып, дұға жасаған жамағаттың саны көп болды. Ақсақалдар Құран мен дұға артынан бата беріп, елдің амандығын тіледі. 

Шу аудандық "Жәми" мешітінің баспасөз қызметі